Буддын шажантанай заншалта болоhон буряад хэлэнэй конкурс Сангхын дурадхаалаар жэл бүри эмхидхэгдэдэг болоhон.
«Аба эжын хэлэн гамтайл!» гэһэн конкурс шагайн табан янзын буудалаар нэрлэгдэһэн шатануудаар үнгэргэгдэдэг заншалтай. Энэ конкурсда хабаадаха бүреэ һурагшад ямар ехэ мэдэсэ абана гээшэб гэжэ һанагдадаг. Эндэ ганса нэгэн хүнэй оролдолго бэшэ, һурагшадай, тэдэниие шэглүүлжэ, бэлдэжэ байһан багшанарай, мүрысѳѳнһѳѳ мүрысѳѳндэ һурагшадай алдуу эндүүень заһадаг, магтан урмашуулдаг ламанарай хубита нилээд ехэ гэжэ тэмдэглэлтэй.
Мүнөө жэл Агын дасанай тус конкурс октябриин 26-да үнгэрбэ. Энэ жэлэй «Аба эжын хэлэн гамтайл!» гэhэн мүрысөөн Гэр бүлын жэлдэ зорюулагдажа, эх басаган хоёр хабаадаха ёhотой байгаа. Буддын шажантанай заншалта мурысоондэ Агын нэгэдэхи hургуулиин hурагша Бальжит Дарима эжытэеэ, Сахюуртын дунда hургуулиин hурагша Сажита Туяна эжытэеэ, болон Үзөөнэй дунда hургуулин hурагшад Дарима эжытэеэ эдэбхитэй хабаадаба.
I — Бадмажапова Бутит, Агын нэгэдэхи hургуулиин hурагша.
II — Дугарова Оксана, Үзөөнэй дунда hургуулиин hурагша.
III — Номтоева Санжита, Сахюуртын дунда hургуулиин hурагша.
Ехэ hонин мүрысөөн болоо, үсөөн хүнэй хабаадаhаниинь харамтай.
