Уhан харабтар туулай жэлэй июниин 16-да Буддын шажантанай заншалта бүгэдэ буряад хэлэнэй конкурс Сангхын дурадхаалаар эмхидхэгдээ.
Мүнөө жэлэй Буянта hарада үнгэргэгдэдэг «Аба эжын хэлэн гамтайл!» гэһэн конкурс залуушуулай хоорондо үнгэргэгдэбэ. Баhал шагайн табан янзын буудалаар нэрлэгдэһэн шатануудаар үнгэргэгдөө.
Мүнөөдэрэй сагай эрилтээр ургажа ябаhан залуушуул, түрэhэн аба эжын хэлэ мартажа, ойлгожо ядан ябаха сагууд болоно. «Би — буряадби» — гэжэ мэдэжэ, ёhо заншалтай, гурим журамтай, үндэhэн хэлэтэй арадай нэгэн боложо, зоной зэргэдэ ябаhай гэhэн зорилготой ябуулга болоно. Ондоо яhатанай олон хэлэ мэдээд, түрэhэн хэлээ мэдэхэгүй ябахада буруу ябадал. Тиимэhээ урда сагhаа аба эжынгээ сахижа ябаhан алтан hургаалнуудые, ёhо заншалнуудые үеhөө үедэ дамжуулжа, дуулгажа, заажа үгэхэ хүсэлэнтэй энэ мүрысөө дурадхана. Энэ мүрысөөндэ бэлдэжэ байхадаа, наhатай зоноор уулзажа, хүгшэн ба нагаса аба эжыдээ хандажа, хөөрэлдэжэ, хадуужа абаха байха гэжэ найдагдана.
Мүрысөөнэй гол зорилгонь: Залуушуул аба эжынгээ хэлэ хүгжөөжэ, гэр бүлынгөө ёhо заншал арюун сэбэрээр сахижа hурахын түлөө, ургажа ябаhан үхибүүдтөө сэдьхэлдэнь нэбтэрүүлжэ, ойлгуулжа ухаан бодолынь зүб мүрөөр хүмүүжүүлхын түлөө эмхигдэнэ.
